Егіндікөл ауданында «Жұмыспен қамту жол картасы – 2020 » мемлекеттік бағдарламасы шеңберінде аудандық аурухана жатақханасына күрделі жөндеу жұмыстары жүргізілуде, – деп хабарлайды «Aqmola News».
Майра ҚУАНЫШҚЫЗЫ
Аурухана жатақханасын жөндеуге бюджет қоржынынан 14,8 миллион теңге бөлінген.
Қазіргі уақытта мердігер ұйым аурухана жатақханасының шатырын, қасбетін , есіктерін ауыстырып жөндеді. Ішкі жұмыстары аяқталуға таяу. Осы аптада нысан пайдалануға берілмек, – деді Егіндікөл ауданының әкімі Ерлан Исабеков.
Мемлекеттік бағдарлама арқылы күрделі жөндеуден өткен жатақхана бөлмелері ауданның жас медицина қызметкерлеріне берілмек.
