Ақмола облысы Біржан сал ауданының оқу орындары қашықтықтан оқытуға дайындалып жатыр. Бүгінде 100 ноутбук сатып алынып, қосымша тағы 125 ноутбукке тапсырыс берілген,-деп хабарлайды «Aqmola News» ақпарат агенттігі.
Майра ҚУАНЫШҚЫЗЫ
Бұл туралы аудандық білім бөлімі мемлекеттік мекемесі мәлім етті.
Руслан Абдикеновтің айтуынша, бүгінде аудан мектептері қашықтықтан оқыуға дайындық үстінде. Сол себепті кейбір компьютер жетіспейтін мектеп оқушылары үшін алдын ала дайындық жұмыстары жүргізілген.
Біз тағы қосымша 125 ноутбук пен 84 моноблокқа тапсырыс беріп қойдық. Бұл үшін 30 миллион теңге жұмсалады. Қаражат облыстық бюджеттен бөлініп отыр. Аталған компьютерлік техника тамыз айының соңына дейін жеткізіледі. Жеткізушілер «IT-сервис» және «Clean» ЖК. Қашықтықтан оқытуға дайындық барысында сатып алынған компьютерлік техника аудан мектептерінің аз қамтылған, көп балалы отбасыларының балалары мен жетім және ата-анасының қамқорлығынсыз қалған балаларға берілетін болады,-дейді Руслан Абдикенов.
Күні кеше ғана Степняк қаласы №1 орта мектепке 20 компьютерлік техника табыс етілді.
