Көкшетауда көше өнері эксперименті жалғасуда. Көпқабатты үйлердің қасбеттерінде тарихымыздағы көрнекті қайраткерлердің бейнелері мен ежелгі дәуірдегі оқиғалардан сыр шертетін көріністер пайда болды,-деп хабарлайды «Aqmola News».
Түпнұсқа эскиздерді қала әкімдігінің тапсырысы бойынша Design City компаниясының мамандары жасаған.
«Қазақтың ұлы тұлғасы – Абай Құнанбайұлының бейнесі қаламыздың бас көшелерінің бірінен орын алды. Ақын, композитор, философ, ұлы ойшыл Абайдың туғанына бүгін 175 жыл толып отыр.
Осы айтулы күнге арнайы салынған Абай бейнесі Көкшетау қаласының көркін ашып, сәнін келтіріп тұр. Абай күні, Абайдың 175 жылдық мерейтойы құтты болсын, құрметті көкшетаулықтар!»-делінген хабарламада.
