Ұлы ақын Абай Құнанбайұлының 175 жылдық мерейтойына орай Ақмола облысы «Рухани жаңғыру» өңірлік жобалық кеңсесінің ұйымдастыруымен «Адамзаттың бәрін сүй бауырым деп» атты онлайн режимдегі облыстық ақындар айтысы өтті,-деп хабарлайды «Aqmola News».
Хакім Абайдың өнегесін ұрпаққа үлгі етіп, оның терең мұрасын жаңғырту мақсатында ұйымдастырылған айтысқа ақындар жоғары дайындықпен келгені көрініп тұрды.
Додаға барлығы 8 ақын іріктеліп, оның алтауы бақ сынасты.
Айтыс Көкшетаудағы әкімшілік басқармаларының ғимаратындағы мәжіліс залында өтті.
Серік Жетпісқалиев, Бақыт Смағұл қазылық еткен бұл жыр додасында ақын Мұхамед Қоңқаев топ жарып, бас жүлдені қанжығалады.
Ал, І орынды Ерлан Дәулет,
ІІ орынды Бергенбек Азатбек,
ІІІ орынды Нұрболат Серік еншіледі.
Тартысты айтыста жарқ етіп көрінген ақындарымызға жүлделері құтты болсын дейміз.
