Ақмола облысының әкімдігінде осы жылдың алғашқы жарты жылдығының қорытындысы бойынша бюджеттің орындалуы қорытындысына арналған жиын өткізілді, – деп хабарлайды «Aqmoka News».
Облыстық қаржы басқармасының мәліметінше өңірде салық және басқа да төлемдер 5 миллиард теңгені құрап белгіленген жоспар 113,6 пайызға орындалған.
Бюджеттің шығыс бөлігі 99,8 пайыз болып, өткен жылмен салыстырғанда 0,2 пайызға жоғарылағаны байқалған. Дегенмен, игерілмеген қаражат сомасы 341,9 миллион теңгеге жеткен.
«20 бюджеттік әкімшілік бағдарламалар бойынша облыстың 9 ауданында жоғары нәтижелерге қол жеткізілді. Алайда, мәдениет, архивтер және құжаттамалар басқармасында- 98,7%, ауыл шаруашылығы басқармасында 99,5%, Көкшетау қаласы, Бурабай және Целиноград аудандарында-99,7%, Қорғалжында 98,3 пайызға дейін төмен көрсеткіштер болған. Бюджеттің орындалмауының негізгі себептері жоспарланған жұмыс көлемінің орындалмауы, келісімшарттардың ұзақ жасалуы, жеткізушілердің келісімшарт міндеттемелерін уақытында орындамауын болған, – дейді Ақмола облысы қаржы басқармасының басшысы Талғат Бөлтенов.
Жиын қорытындылары бойынша бюджеттік бағдарламалар әкімшілеріне, аудандар мен қалалардың әкімдіктеріне салықтар мен төлемдердің бюджетке түсуін 100 пайызға қамтамасыз ету және бюджет қаражатын барынша игеруге тапсырма берілді.
