Эпидемиологиялық жағдайдың ушығуына байланысты Бурабай кентіндегі қоғамдық жағажайларға қоршау орнатылды, – деп хабарлайды «Aqmola News».
Бұл туралы өңірдің бас санитар дәрігері Айнагүл Мусина мәлім етті.
Қазіргі уақытта облыста коронавирус инфекциясының таралуы азамай тұр. Бұған негізгі себептердің бірі тұрғындардың тыйым салынуына қарамастан қоғамдық жағажайларда дем алуы болып отыр. Бурабайдағы қоғамдық жағажайларға уақытша қоршаулар қойылып, олар өзара ескерту таспаларымен байланды. Егер қоршаудан азаматтар асып өткен жағдайда олар 30 айлық есептік көрсеткішке дейін әкімшілік айыппұл салынады. Барлық азаматтарды қолданыстағы қаулыға сәйкес жауапкершілікпен қарап, сақтық шараларын қатаң сақтауын сұраймын. Біз оны қаншалықты дұрыс орындасақ, соншалықты тезірек еліміз қалыпты өмірге қайтып оралады, – дейді Айнагүл Мусина.
Естеріңізге сала кетсек, соңғы мәлімттер бойынша облыста коронавирус инфекциясына шалдыққан науқастардың саны 1949 адамға жетті.
