Есіл ауданында адамдар демалатын қоғамдық демалыс орындарының аумағын санитарлық тазарту бойынша акция өткізілді, – деп хабарлайды «Aqmola News».
Майра ҚУАНЫШҚЫЗЫ
Есіл аудандық полиция бөлімі, аудандық төтенше жағдайлар бөлімі мен жалпы аудан тұрғындары белсене қатысқан акция 14 шілдеден 19 шілдеге дейін жалғаспақ.
Демалыс орындарын санитарлық тазарту жұмыстары елдімекендерде адамдар демалатын орындар мен су қоймаларының ластанған жерлерін анықтауға және тазартуға бағытталды. Қоғамдық орындарда ластауға жол берген, алкогольдік ішімдік ішкен және қоғамдық орындарда жиналған адамдарға әкімшілік айыппұл салынады. Барлық азаматтарды адам өміріне қауіп төндірген вирустың таралуына байланысты тыйым салынған жерлерде суға шомылмауды, су қоймаларында қарапайым қағидаларды ұстанып, балаларға аса сақ қарауларын өтінеміз, – дейді шараны ұйымдастырушылар.
