Зеренді ауданында коронавирус пандемиясы кезінде екі бірдей провизорлық стационар ашылған. Дәрігерлерді қолдау мақсатында ауруханаларға кәсіпорындар сүт өнімдерін тегін жеткізуде, – деп хабарлайды «Aqmola News».
Майра ҚУАНЫШҚЫЗЫ
Індетпен күресті күшейту мақсатында іске қосылған 120 орындық керуетті стационар аудандық ауруханада орналасса тағы бірі Шағалалы дәрігерлік амбулаториясында 60 орынға шақталған.
Стационарлар барлық қажетті құрал-жабдықтармен жабдықталды. Дәрі-дәрмектер және медициналық мақсаттағы бұйымдармен толықтай қамтамасыз етілген. Бүгінде 18 дәрігер, 70 орта буынды және 70 кіші буын медицина қызметкерлері өз өміріне қауіп төнсе де, адамдардың өміріне араша түсуде, – дейді аудан әкімі Бауыржан Ғайса.
Күн-түн демей дамыл таппай науқастарды емдеп індетпен күресіп жатқан дәрігерлерге қамқорлық жасаған «Milk project» жауапкершілігі шектеулі серіктестігі апта сайын 500 келіге дейін сүт өнімдерін жеткізуде.
