Аза тұту күнінде Көкшетау қалалық ауруханасының дәрігерлері коронавируспен күресу кезінде қайтыс болған дәрігер жерлестері Исаев Олег Николаевичтің рухына тағзым етті,-деп хабарлайды «Aqmola News».
Біз қарусыз майданда қайтыс болғандарды бір минут үнсіздікпен еске алып, аза тұтамыз. Өкінішке орай біз жақындарымызды жоғалтудамыз. Олар енді ешқашан оралмайды…
Олег Николаевичтен, білікті дәрігермен қош айтыстық. Өте ауыр. Сіз біздің әрдайым жүрегіміздесіз… Үкімет сіздің ерекше еңбегіңізді ең жоғарғы марапатқа лайық деп тапты. Егер барлықтарыңыз бізге көмектескілеріңіз келсе, ешқашан ауырмаңыздар, өздеріңізді сақтаңыздар, ешқандай іс-шараларға бармаңыздар! Ал, біз жұмысымызды жалғастырамыз,-дейді Көкшетау қалалық ауруханасының бір топ дәрігерлері.
Олег Николаевич 2008 жылдан бері Көкшетау қалалық ауруханасында бөлім меңгерушісі және анестезиолог және реаниматолог болып қызмет атқарды.
Мемлекет басшысы Қасым-Жомарт Тоқаев екі дәрігерді қайтыс болғаннан кейін медальмен марапаттады. Оның бірі жерлесіміз Олег Николаевичке “Қазақстан Республикасына сіңірген аса үздік еңбегі, қызметтік борышын атқару үстінде көрсеткен жанқиярлығы үшін: жоғары дәрежелі ерекшелік белгісі – “Қазақстанның Еңбек Ері” атағы беріліп, айрықша ерекшелік белгісі – Алтын жұлдыз бен “Отан” ордені тапсырылды.
