Мемлекет басшысы Қасым-Жомарт Тоқаевтың карантин режимін қамтамасыз ету жөніндегі сөйлеген сөзімен таныса отырып, халқымыздың бірер қиыншылықтарды басынан өткеріп, дегенмен, бүгінгі күні індеттің таралуына жол бермей, денсаулық сақтау органдары, құқық қорғау органдарымен бірлесіп жасаған шараларды ұстану уақыты келгені анық.
Бүгінгі күні карантин шараларын әлі де қолданып, жақындары мен туған-туысқандарының денсаулығы үшін сақтық шараларын бәсеңдетпеу – саналы қоғамдағы әр азаматтың ісі болуы тиіс.
Сонымен қатар, Президенттің тапсырмасы бойынша елімізде дағдарысқа қарсы екі топтамасы жүзеге асырылып жатқандығы бәрімізге мәлім. Аз уақыт ішінде аталған шаларалар нәтижелі болып, ел экономикасы да, халықтың әл-ауқатының күйі де түзелетініне сенімдімін.
Бүгінде «Халық үніне құлақ асатын мемлекет» тұжырымдамасын жүзеге асыру арқылы азаматтық қоғам мен билік арасындағы талай сұрақтар шешімін тауып, оңтайлы жолдар пайдаланылып, түсіністік пен келісім көріністері пайда бола бастады. Әрине, атқарылатын істер әлі де баршылық.
Денсаулық саласының мамандарын қолдау ісі – құзырлы органдардың шұғыл әрі тиімді жұмысына және жаңа уақытқа, жаңа талаптарға бейімделген намысшыл тұлғаларға, біз бен сіздерге байланысты. Айрандай ұйыған еліміздің алдында талай белестер тұр. Осы белестерді бағындыруға күш-қуатымыз жететініне зор сенім артамын!
Шияп Әлиев,
Көкшетау қалалық ардагерлер кеңесінің төрағасы
