Елорда күні мерекесі қарсаңында ақмолалық тәртіп сақшыларына облыс әкімі Ермек Маржықпаев жаңа көліктердің кілттерін табыс етті, – деп хабарлайды «Aqmola News».
Қызметтік көліктер өңірдің барлық аудандық полиция бөлімдеріне берілмек.
Өңір басшысы блок-бекеттерде өзінің денсаулығына қатер төндіріп қауіпті инфекцияның таралуына жол бермеуде зор үлес қосып жатқанын атап өтті.
Сіздердің кәсіби шеберліктеріңіздің арқасында және азаматтардың қауіпсіздігі мен ертеңгі күнге сенімділіктері нығая түседі. Сіздердің көптеген әріптестеріңіз бүгінгі таңда дертке шалдыққанын білеміз. Сондықтан Ақмола облысының барлық полиция департаментін және генерал Арманбек Хакімбекұлы Баймұрзинді өз кәсіптеріне адалдықтары мен қызметін мүлтіксіз орындағандары үшін алғысымды білдіремін, – деді Ермек Маржықпаев.
Облыстың тәртіп сақшыларына 38 қызметтік автокөліктер берілді.
