22 маусымда мемлекет және қоғам қайраткері Еркін Нұржанұлы Әуелбековке 90 жыл толды. Осы датаға іс шараларды ұйымдастыру үшін арнайы құрылған комитет дайындық шараларын жасады,-деп хабарлайды «Aqmola News».
Майра ҚУАНЫШҚЫЗЫ
Өткен жылы облыс әкімі Ермек Маржықпаевтың тапсырмасымен осы датаны атап өту үшін тиісті тапсырмалар жүктелген еді. Іс шараларды ұйымдастыру комитеті құрылып, жоспар бекітіліп, Еркін Әуелбековтың өзі тұрған Сәтбаев көшесі № 15 үйге орнатылған мемориалды тақта жаңартылды.
Қоғам белсенділерінің бастамасымен облыс орталығына Еркін Әуелбековтың ескерткішін қою үшін тиісті қаражат жиналуда.
Іс шаралардың ішінде қайраткерге арналған ғылыми-практикалық конференция өткізу, мерейтойға арнап кітап шығару, деректі фильм түсіру, ат жарыс және басқа да ұлттық спорт түрлері бойынша сайыстар ұйымдастыру жоспарланған, – дейді ұйымдастырушылар.
Бірақ, коронавирус пандемиясына байланысты негізгі мерейтой салтанаты кейінге қалдырылып, шамамен алғанда осы жылдың қыркүйегіне көшірілді.
Елдегі қиын жағдайды ескере келе Еркін Әуелбековтың бүгінгі туған күнінде Көкшетауда өзі тұрған үйіндегі мемориалды тақтаға гүл шоқтары қойылды. «Көкше» телеарнасында әйгілі жерлесіміздің өмірі жайлыы жаңа фильмнің тұсауы кесілмек. Жергілікті бұқаралық ақпарат құралдары мен әлеуметтік желілерде айтулы азамат жайлы мақалалар топтамалары жарияланған.
Еркін Әуелбековтың Ақмола өңірінің дамуы мен қалыптасуына қосқан өлшеусіз үлесі оның жерлестерімен, қызметтестері еш ұмытылмақ емес. Қоғамның елдің еңсесін көтерген ұлының мерейтойын ұйымдастыруға шынайы қолдау көрсететіне сенімдіміз, – деді қолдайтынына сенімдіміз, – деді ұйымдастыру комитеті.
Еркін Нұржанұлының тарихи бейнесі халық жадында мәңгілік сақталмақ. Бүгінде Көкшетау қаласында, сондай-ақ Арқалық және Сыр өңіріндегі іргелі көшелер арда азаматтың есімімен аталады.
