Облыста коронавирус инфекциясы бойынша жағдай тұрақталмай тұр. Дертке шалдыққандардың жалпы саны 306 адамға жетті. Тек соңғы тәулік ішінде 22 адам вирус жұқтырған, – деп хабарлайды «Aqmola News».
Бұл туралы Ақмола облысының тауарлар және көрсетілетін қызметтердің сапасы мен қауіпсіздігін бақылау департаменті мәлім етті.
Облыста тәуліктік жұқтыру фактілерінің өсуі 7,7 пайызды құраған. Бұл Қазақстан Республикасы денсаулық сақтау министрлігімен бекітілген сыни белгіден асып түскен.
Жалпы елімізде 17225 адам коронавирус індетімен тіркелген. Қайтыс болғандар саны 118 адамға жетті.
