Ақмола облыстық мемлекеттік қызмет істері департаментінде онлайн-қабылдау жүргізілуде,-деп хабарлайды «Aqmola News».
Департамент басшысы Берген Беспалинов бейнебайланыс арқылы азаматтарды онлайн қабылдауды бастады.
Қабылдау барысында өзіне өзі қызмет көрсету бұрыштарының қызметі, электронды-цифрлық қолтаңба алу, сондай-ақ мемлекеттік қызметке түсу мәселелері бойынша 10 азамат жүгінді. Барлық азаматтарға тиісті түсініктеме берілді.
Қызмет алушылар осындай іс-шара форматына үлкен қызығушылық танытты.
Естеріңізге сала кетейік, бүгінгі таңда әр адам онлайн форматта шұғыл түрде мемлекеттік қызметтерді алу, мемлекеттік қызметке түсу, мемлекеттік қызметшілердің әдептілік талаптарын ұстануы мәселелері бойынша қажетті кеңес алуға мүмкіндігі бар. Департамент басшылығымен азаматтарды онлайн-қабылдаулар, сонымен қатар әлеуметтік желілерде тікелей эфирлер ұйымдастырылып отырады.
