Зеренді ауданының Күсеп және Қонысбай селолық округында ауыл клубтары «Жұмыспен қамту жол картасы – 2020» мемлекеттік бағдарламасы арқылы жөнделуде, – деп хабарлайды «Aqmola news».
Талайдан жөндеу көрмеген ауылдың мәдениет үйлерінің әбден тозығы жеткен. Жылда Зеренді ауданы әкімінің есептік кездесу барысында көтерілетін мәселенің биыл шешімі табылмақ.
Ауыл клубтарын жөндеуге облыс әкімі Ермек Маржықпаевтың қолдауымен бюджет қоржынынан қаражат бөлінді. Бүгінде шатыр жабынын ауыстыру, суағар құбырларды орнату, есік блоктары мен керме төбелер салу сияқты жұмыстар аяқталды. Сонымен қатар еденге кафель төсеу бойынша жұмыстар жалғасып жатыр. Жоғарыда аталған ауылдың жұмыссыз азаматтары жұмыспен қамтылды. Клубты жөндеу жұмыстарын шілде айының екінші онкүндігінде аяқтауды жоспарлап отырмыз. , – дейді аудан әкімі Бауыржан Ғайса.
