Ақмолаға ағылшынның асылтұқымды шөжелері ұшақпен жеткізілді. Аналық мекиен тауықтарды өсіруде әлемдік лидер саналатын америкалық Hy Line компаниясынан алынған бұл тұқым өңірдегі құс шаруашылығын дамытуға бағытталған, – деп хабарлайды «Aqmola news».
Бұл туралы Қазақстан жұмыртқа өндірушілері ассоциациясының басшысы Максим Божко мәлім етті.
Осыдан бір жыл бұрын біз Қазақстанға үздік генетиканы жеткізу туралы келіскенбіз. Мекиендердің алғашқы легі АҚШ-тан былтырғы жылдың күзінде жеткізілген. Бұл жолы Тұманды Альбионнан асылтұқымды шөжелерді әкелудің сәті түсті. Біздің компанияда егіс даласынан бастап дүкен сөрелеріне дейін толық өндірістік цикл қалыптасқан. Қазақстанда тек @kurochka_ryaba.kz ғана екі асылтұқымды репродуктор бар. Олардың бірі бройлер тұқымын ұдайы өсіру болса, екіншісі мекиен тауықтар болса керек, – деді Максим Божко.
