Көкшетау қаласында биыл 2 миллион түптен астам гүл көшеттері егіледі, – деп хабарлайды «Aqmola news» Ақмола облысы әкімдігінің баспасөз қызметіне сілтеме жасап.
Бұл туралы облыс әкімі «Жасыл ел» НС жылыжайына жұмыс сапары кезінде мәлім болды.
Биыл қаламызда гүлзарлар тамаша болмақ. Әрине, коронавирус пандемиясы қаланы абаттандыру жұмыстарына кедергісін келтірді. Өткен жылдары дәл осы уақытта қала гүлге оранып, құлпырып тұратын. Былтыр 3-4 мамырда гүл көшеттерін отырғызатынбыз. Сондықтан келесі аптада бұл үлкен жұмыстарды бастау қажет. Жеңіс парады биыл өткізілмейді. Дегенмен, қала көркі мерекеге лайық болғаны жөн. Қаланың орталық көшелері мен гүлзарларына 9 мамырға дейін гүл көшеттері отырғызылуы тиіс, – деді Ермек Маржықпаев.
«Жасыл ел» НС жауапкершілігі шектеулі серіктестігінде 4 жылыжай кешені орналасқан. Серіктестік биыл 2 миллионнан астам гүл көшеттерін қала көшелеріне отырғызуды жоспарлапты.
