Бүгін Көкшетауда мазут сақтайтын қолданылмайтын резервуар өртенді, – деп хабарлайды «Aqmola news» Ақмола облысының төтенше жағдайлар департаментінің баспасөз қызметіне сілтеме жасап.
Ақан сері көшесінде «КөкшеПромСервис» жауапкершілігі шектеулі серіктестігінің аумағында орналасқан қолданылмайтын мазут резервуарында өрт күндізгі 12 шамасында тұтанған.
Бірден тілсіз жауды ауыздықтауға аттанған өрт сөндірушілер 10 шаршы метр аумақты шарпыған отты сөндірді. Абырой болғанда өрттен зардап шеккендер жоқ. Қазір өрттің шығу себептері анықталуда, – деді баспасөз қызметінен.
