Ақмола облысының Целиноград ауданындағы «Шапағат» арнайы қызмет көрсету орталығының тағы үш қызметкерінен коронавирус анықталды, – деп хабарлайды «Aqmola news».
Бұл туралы Ақмола облысының тауарлар мен қызмет көрсетудің сапасы мен қауіпсіздігін бақылау департаменті мәлім етті.
Вирустық инфекция 1982 жылы туған ер адам мен 1964 және 1995 жылы туған әйел адамдардан анықталған. Сонымен Ақмола облысында коронавирус жұқтырғандар саны 88 адамға жетті.
Емдеу Ақмола облысының туберкулезге қарсы диспансерінің жұқпалы аурулар госпиталінде жүргізілуде. Аталған медициналық-әлеуметік мекемеде эпидемияға қарсы барлық шаралар бекітілген алгоритмге сәйкес өткізілген.
Облыс стационарларында қазіргі уақытта 406 емделуші ем қабылдауда. Оның ішінде провизорлық 174, карантиндік – 176, инфекциялық стационарларда 56 адам жатқызылған.
Үй карантинінде 524 адам бар. Вирус анықталған 88 адамның ішінде 80-і Целиноград ауданынан екені анықталды. Облыстың басқа өңірлерінде жағдай өзгермеген. Аршалы ауданында -3 , Көкшетау қаласында – 4, Шортанды ауданында – 1 адам болды.
