«Көкшетау» мәдениет сарайы Ұлы Жеңістің 75 жылдығына орай «Әндерді жаттап бізбен бірге айтыңыз» атты жаңа айдар ашты, – деп хабарлайды «Aqmola news».
Бұл туралы Ақмола облысы мәдениет, архивтер мен құжаттамалар басқармасы жанындағы «Көкшетау» мәдениет сарайы жариялады.
Біз Ұлы Жеңістің 75 жылдығына «Әндер жаттап, бірге шырқайық» атты жаңа айдар аштық. Жеңіс мейрамына арналған әндерді бірге шырқауға шақырамын. Қазір мәдениет сарайының өнер ұжымдарының өнерпаздары өз өнерлерін онлайн түрде жариялай бастады. Аталған әндер біздің арнайы айдарымызда жарияланатын болады, – дейді «Көкшетау» мәдениет сарайының «Кербез сұлу» халықтық фольклорлық ансамблінің жетекшісі Дәурен Біржанов.
