Бүгін Көкшетау қаласында дөңгелек жөндеу шеберханасында болған өрттен жақын маңда орналасқан жанармай құю станциясы мен «Көкшетау жолдары» әкімшілік ғимараты өртене жаздады, – деп хабарлайды «Aqmola news».
Бұл туралы Ақмола облысының төтенше жағдай департаментінен хабарлады.
Бірден өрт сөндірушілер жетіп, 20 минут аралығында толықтай сөндірілді. Алайда, қатты желдің салдарынан лаулаған от таяу орналасқан «Көкшетау жолдары» әкімшілік ғимараты мен TNK жанармай құю станциясына да қауіп төндірді. Тілсіз жауды сөндіруге төтенше жағдайлар қызметінің 20 сарбазы мен 5 бірлік техника жұмылдырылды. Дөңгелек жөндеу шеберханасынан өрт сөндіру кезінде көлемі 40 литрлік газ балоны шығарылды. Абырой болғанда зардап шеккендер жоқ, – деді Ақмола облысы төтенше жағдайлар департаментінің горнизон бойынша жауапты қызметкері Олег Малюк .
Қазір өрттің шығу себептері анықталуда.
