Ақмолалық полиция қызметкерлері блокбекеттерді айналып өтпек болған 40 фактіні тіркеді, – деп хабарлайды «Aqmola news» Ақмола облысы полиция департаментінің баспасөз қызметіне сілтеме жасап.
19 сәуір күні кешкі сағат тоғыздар шамасында «Нива» көлігін тізгіндеген 32 жастағы жүргізушіні тәртіп сақшылары тоқтатады. Көлікте 32 жастағы және 42 жастағы Қоянды ауылының тұрғындары да болған. Жігіттер блок-бекетті дала жолымен айналып өтіп төтенше жағдай режимін бұзды, – деді полицияның баспасөз қызметінен.
Полицияның мәліметінше облыс бойынша кірме жолдарда 100 блок-бекеттер қойылған. Тәртіп сақшылары әрбір машинаны тіркеп, тексеріс жасауда. Карантин басталғалы бері блок-бекеттерді заңсыз кесіп өтпек болған 40 факт анықталған.
Полиция өңірдің барлық азаматтарын карантин режимін қатаң сақтап, блок-бекеттерден заңсыз өтуге тырыспауға шақырды.
