Атбасар ауданында жұмыспен қамту және әлеуметтік бағдарламалар бөлімі мен жастар ресурстық орталығы бірлесіп 2500 медициналық бетпердені тегін таратты, – деп хабарлайды «Aqmola news».
Қайырымдылық акциясы шеңберінде волонтерлер де үлкен көмек көрсетіп, коронавирус инфекциясының алдын алу жөнінде ақпараттық түсіндіру жұмыстарын жүргізген. Шара барысында Атбасар қаласының көпбалалы отбасыларына, зейнеткерлер мен мүмкіндігі шектеулі жандарға және тұрмысы төмен отбасыларға 2500 қорғаныс бетперделері таратылған.
Акцияны ұйымдастырушылар мен волонтерлер ізгі қамқорлықтың көпшіліктен қолдау табатынына сенімді.
