Бас санитар дәрігердің қаулысы бойынша карантин талаптарының қатаюына байланысты Ақмола облысында өңірлік жедел штабтың хаттамалық тапсырмасына сәйкес 28 мобильді топ құрылды, – деп хабарлайды «Aqmola news».
Бұл туралы Ақмола облысының тауарлар мен көрсетілетін қызметттердің сапасы мен қауіпсіздігін бақылау департаменті мәлім етті.
Мобильді топтарға прокуратура, полиция, төтенше жағдайлар, кәсіпкерлік және өнеркәсіп басқармасы, аудандық және қалалық әкімдіктер, «Атамекен» кәсіпкерлік палатасы мен тауарлар мен көрсетілетін қызметтердің сапасы мен қауіпсіздігін бақылау басқармаларының өкілдері кірген.
Мобильдік топтар барлық аудандар мен Көкшетау және Степногорск қалаларында жұмысын бастады. Сауда орындарына, кәсіпорындар мен ұйымдарға, қаланың шағын аудандары мен балалар және спорт алаңдарына рейд шаралары өткізілді. Қаулы талаптарын бұзу оқиғалары анықталған жағдайда полиция қызметкерлері хаттама толтырып, аталған ұйымдардың басшылары ықпал ету шараларын анықтау үшін полицияға шақырылады, – деді Айнагүл Мусина.
