Ақмолалық полицейлер екі жыл бұрын болған жантүршігерлік қылмыстың бетін ашты, – деп хабарлайды «Aqmola news» Ақмола облысы полиция департаментінің баспасөз қызметіне сілтеме жасап.
Осыдан екі жыл бұрын 53 жастағы әйелді қандықол қылмыскер жантүршігерлік аюандықпен өлтірген. 2018 жылдың шілдесінде Бурабай ауданының Златополье селосында болған жағдайды сот сараптамасы зерттеп әйелге 38 рет пышақ салғанын анықтады.
Жедел іздестіру шарасы барысында Бурабай аудандық полициясы дәл сол ауылдың 32 жастағы тұрғынын қолға түсірді. Жігіт осыған дейін де бірнеше рет сотталған болып шықты. Күдікті өз кінәсін толық мойындады. Аталған факт қылмыстық кодекстің 99 бабының 1 тармағы бойынша сотқа дейінгі тергеуге тізіміне алынды. Қазір айыпталушы қамауға алынған, – деді полицияның баспасөз қызметінен.
