Көкшетау қаласында 31 наурыз 19.00-ден бастап карантин енгізілуіне байланысты қала шекараларына қойылған блок-бекеттердегі полиция қызметкерлеріне дәрігерлер арнайы нұсқаулар өткізуде, – деп хабарлайды «Aqmola news» ақпарат агенттігі Ақмола облыстық полиция департаментінің баспасөз қызметіне сілтеме жасап.
Медициналық бригада күн сайын жеке құрамға нұсқаулар өткізуде. Дәрігерлер уақытша блок-бекеттерге 12 сағатқа кезекшілікке түскен полиция қызметкерлерінің қызуын өлшеп, санитарлық бақылау жасайды. Полиция қызметкерлеріне қанша уақытта медициналық бетперделер мен қолғаптарды ауыстыру, зарарсыздандыру құралдарын мүлтіксіз қолдану, жүргізушілерді тексеру кезінде арақашықтық ережелерін қатаң сақтау сияқты сақтық шаралары ескертілді, – деп хабарлады полицияның баспасөз қызметінен.
