Көкшетауда тұрғын үй өртеніп кетті, – деп хабарлайды «Aqmola news» ақпарат агенттігі Ақмола облысының төтенше жағдайлар департаментінің баспасөз қызметіне сілтеме жасап.
Өрт Көкшетау қаласы Әуезов көшесі 88 үйде күндізгі сағат 14.33-те тұтанған. Жалпы 60 шаршы метр аумақты шарпыған тілсіз жауды өрт сөндірушілер 15.35 оқшаулап, 16.05-те толықтай сөндірді. Абырой болғанда зардап шегушілер болмаған. Қазір өрттің шығу себептері анықталуда. Өртке төтенше жағдайлар қызметінің 30 қызметкері мен 7 өрт сөндіру техникасы жұмылдырылған, – деп хабарлады баспасөз қызметінен.
