Ақмола облысында Аршалы, Целиноград және Шортанды аудандарында 3 сәуір 19.00-ден бастап карантин енгізіледі, – деп хабарлайды «Aqmola news» ақпарат агенттігі.
Бұл туралы өңірлік коммуникациялар қызметінде өткен брифинг барысында Ақмола облысының бас санитар дәрігері Айнагүл Мусина мәлімеді.
Целиноград, Аршалы, Шортанды аудандарында коронавирус инфекциясын жұқтырған адамдардың болуына байланысты 3 сәуір сағат 19.00-ден бастап карантин енгізіледі. Аталған аудандар шекарасына блок-бекеттер қойылады. Транзитті және жүк көліктерінен басқа барлық қозғалысқа тыйым салынады, – деді Айнагүл Мусина.
Бүгінге дейін Ақмола облысында 19 адам коронавирус инфекциясын жұқтырды.
