Бүгін кешкі сағат 19.00-ден бастап Ақмола облысында карантин енгізілуіне байланысты облыс аумағында 51 блок-бекеттер қойылды. Олардың 12-і Көкшетау қаласында, қалған 31-і Степногорск, Атбасар, Бурабай, Ақкөл және Целиноград аудандарының аумағында қойылды, – деп хабарлайды «Aqmola news» ақпарат агенттігі.
Бұл туралы бүгін Ақмола облысының өңірлік коммуникациялар қызметінде өткен брифинг барысында мәлім болды.
Блок-бекеттерде тәулік бойына 312 полиция қызметкерлері қызмет ететін болады, – деді Ақмола облысы полиция департаменті бастығының бірінші орынбасары, полиция полковнигі Ризахмет Жанбеков.
Көкшетау қаласына кірме жолдарда 10 блок-бекет және Қарасай шоссесі бойынша 2 жылжымалы автомпатруль қызмет етпек.
