Ақмола облысында Қылшақты өзенінің деңгейі көтерілгендігі себепті зақым келген автокөлік көпірі маңайында қауіпті сейілтуге арналған жұмыстар жүргізілуде. Оқиға орнына ТЖД күштері мен құралдары тартылды. Жалпы саны 45 адам болатын жеке құрамда 1 қайық, 6 фронтальды тиегіш, 6 жүк техникасы, 4 су сорғыш техника, жеке құрамда 4 адамы бар 2 патрульдік экипаж жұмыс істеді,- деп хабарлайды Aqmola News ақпарат агенттігі ТЖ комитетіне сілтеме жасап.
Су тасқынының қаупі туындаған учаскелердің паспортына сәйкес Көкшетау қаласындағы жалпы саны 183 тұрғын үй, оның ішінде бес қабатты 3 үй және № 8 және №12 орта мектептер кірген.
Облыс аймағында наурыздың 14-інен 16-сына дейін облыс аумағында күн жылынған, ауа температурасы күндіз +1С-тан +8С-қа дейін жетсе, түнде +1С-тан +4С-қа дейін жылы болған.
Қалың қардың еруіне байланысты, қала маңында, Бурабай және Зеренді аудандары аумағынан, Көкшетау қаласында Қылшақты өзеніндегі су деңгейі 1 м 40 см-ге (қауіпті деңгейі 3 м 20 см) көтерілгені байқалды», – деп атап өтті ТЖК-да.
Судың көтерілуі салдарынан Б.Әшімов көшесінің бойындағы №12 орта мектеп маңында автомобиль көпірін су басты. Су басқан жерде және Қылшақты өзенінің бойында жергілікті атқарушы органдар, жергілікті полиция қызметі және төтенше жағдайлар бөлімі кезекшілік ұйымдастырды. Тұрғын үй кешені мен әлеуметтік нысандарды су басуға жол бермеу бойынша жедел шаралар қабылдау мақсатында Қылшақты өзенінің жағасын күзету және тазарту жұмыстары ұйымдастырылды. Сондай-ақ, 16 наурызда Қылшақты өзені мен Қопа көлінің қосылатын жерінде 855 шаршы метр аумақта мұз жару жұмыстары жүргізілді», – деп хабарлады ведомство.
