Көкшетауда «Тыныс» зауыты медицина бетперделерін өндіре бастады,-деп хабарлайды Aqmola News ақпарат агенттігі.
Тігін цехінің жетекшісі Медібай Әжібектің айтуынша, зауыт бетперде өндірісін өткен сенбіде бастап, 4000-мыңға жуық бетперде тігіп үлгерген.
– Бүгінде 2800 бетперде дайындалды. Бұл бетперделерді біз өз шикізтымыздан дайындадық. Қазір бетперлерді көбейту үшін қосымша шикізат әзірлеу жұмысы қарастырылып жатыр,-дейді Медібай Әжібек.
Матасы резинамен қапталып, марлімен оралған бетперделерді бір емес, бірнеше рет қолдануға болады. Бүгінде зауыт өз жұмыскерлерін бетпердемен толық қамтып, Көкшетау автобус паркінен тапсырыс қабылдады. Ендігі кезекте теміржол вокзалы мен автовокзал жұмыскерлеріне бетперде тігу қолға алынбақ.
Зауытта 700 адам жұмыс істейді. Соңғы жағдайларға байланысты зауыт жұмыскерлері үшін дезинфикциялық құралдар пайдаланылып, іс-шаралар жүргізілуде. Зауытқа кірерде барлық жұмыскерлер дипенсердің көмегімен қолдарын тазартып, бетперде киюге міндеттелген.
