Аршалы ауданының әкiмi Талғат Мұханбеджанов жұмыс сапары барысында Аршалы орталық ауруханасына барды. Аурухана ұжымымен пікірлесіп, науқастарға жасалатын медициналық қызмет түрлерінің сапасын тексерді,-деп хабарлайды Aqmola News ақпарат агенттігі.
Бас дәрiгер А. Н. Анюхина хирургия бөлiмшесiндегi жөндеу жұмыстарының барысымен таныстырып, мiндеттi медициналық сақтандыру жүйесi аясында өткiзiлген iс-шаралар туралы баяндады. Әкiм тiркеу бөлiмiне жеке куәлiгiн ұсынып, халыққа қызметтер қолжетiмдiлiгiн өзi тексердi.
Қазiргi уақытта емхана штаттық режимде жұмыс iстейдi, мұнда үнемі күтпеген жағдайларға арналған оқу-жаттығулар өткiзiліп тұрады.
Аудан әкімі өткен жылдың қорытындысын баяндауға арналған брифингте аудан тұрғындарының денсаулығын жақсартуға, әсіресе, балалар мен әйелдер денсаулығын бақылауда ұстау үшін жұмыс күші жетілдірілгенін айтқан болатын.
Өткен жылы аудандағы № 42 разъездіндегі медициналық бөлімшесі жөнделіп, 3 этажды стоционар қалыпқа келтірілді.
Аудандық аурухананың материалды-техникалық базасын нығайту мақсатында глицирленген гемоглобинді анықтауға арналған аппарат, ультрадыбыстық аппараты, наркотикалық тыныс алу аппараттары, жүрек-өкпе ренимациясы маникені сатып алынған болатын. Бұған 57 миллион теңге қаражат жұмсалды.
2020 жылы аурухана ғимаратының қасбетін және өтпелі бөлігін жөндеуге 76,6 миллион теңге бөлінген.
