Қалалық электронды кітапханасында республикалық, облыстық мүшайралардың жеңімпазы Майра Қуанышқызының оқырмандармен кездесу кеші өтті.
Нәзік лирикалық иірімдерге толы өлеңдер – келген оқырмандарға ерекше әсер еткені байқалды. Кешке Көкше өңірінің белгілі азаматтары, ақын-жазушылары қатысты. Танымал режиссер Фархатбек Қанафиннің ұйымдастыруымен Ақан сері атындағы жоғары мәдениет колледжінің студенттері ақынның өлеңдерін театралды нұсқасымен берді.
Сонымен қатар, М. Ғабдуллин музейінің директоры, ақын Құдайберлі Мырзабек, Ақмола облысы «Рухани жаңғыру» Өңірлік жобалық кеңсесінің басшысы Марал Жақыпова ақынға шығармашылық тілектерін білдірді.
Шоқан Уәлиханов атындағы Көкшетау мемлекеттік университетінен келген студенттердің ықылыс-ниеті ерекше болды. Бүгінде ақынның 1 поэмасы (Балпық би) мен 70-ке жуық өлеңдері бар.
