Карина Кузганбаева 227 келі ауыр салмақты көтеріп, алтын медаль жеңіп алды. Спортшы бұл жеңісін 15 ақпанда өмірден озған аңыз-ардагер жаттықтырушысы Жамалейдин Панаховке арнайды,-деп хабарлайды Aqmola News ақпарат агенттігі денешынықтыру және спорт басқармасының баспасөз қызметіне сілтеме жасап.
Өзбекстан астанасы Ташкентте жасөспірімдер арасында Азия чемпионаты өтуде. Оған ақмолалық 81 келіге дейінгі салмақтағы спортшы қатысып, чемпион атанды.
Мен өзімнің жеңіске жететінімді сездім. Бұл жеңісімді жаттықтырушымның рухына арнадым. Мен ол кісінің жоқтығына әлі үйрене алмай жүрмін… Ол өте талантты жаттықтырушы еді,-дейді К.Кузганбаева.