2020 жылдың 24 қаңтарында рейд шараларын өткізу кезінде Сандықтау аудандық табиғатты қорғау полициясы қызметкерлері сойылған еліктің дене мүшелерін тапты, – деп хабарлайды Aqmola news ақпарат агенттігі полиция департаментіне сілтеме жасап.
Қар үстінде жаңа ғана тамған қан арқылы ізге түскен полиция қызметкерлері көп ұзамастан Новокикольское селосының тұрғынының үйіне келіп тіреледі. Үй иесінің қора-қопсысын тінткен тәртіп сақшылары еліктің еті мен терілерін тауып алған.
Аталған факт бойынша қылмыстық кодекстің 337 бабының 1 тармағы бойынша қылмыстық іс қозғалды. Іс қазір сот алдындағы тергеуге берілген.
