Қалада 45 пәтерлі екі үйдің құрылысы аяқталуға жақын. Бұл жөнінде қала әкімі өңірдің әлеуметтік-экономикалық дамуын бұқаралық ақпарат құралдарына жеткізуге арналған жиында айтты-, деп хабарлайды Aqmola news ақпарат агенттігі.
Қала басшысының мәліметіне сәйкес, «Нұрлы жер» бағдарламасы аясында салынып жатқан үйлердің электр желілері тартылып, су құбырлары орнатылған. Құрылыс қарқыны қызу жүргізіліп жатқан үй салынып біткен соң, кезекте тұрғандар мен көпбалалы аналарға, аз қамтылған отбасыларға берілетін болады,-деді қала әкімі.
Өткен жылы қаланың құрылыс жұмыстарын атқаруға 6,3 миллиард теңге жұмсалған. Қаражатты игеру мақсатында 12,9 шаршы метр тұрғын үй пайдалануға берілген.
Сонымен қатар жиында қаладағы қаңырап иесіз қалған үйлерді қалыпқа келтіру мәселесі де айтылды. Әзірге құстарға ғана пана болып тұрған нысандарды толықтай жөндеуден өткізіп, баспанаға мұқтаж жандарға үлестіретін боламыз-, деді қала әкімі Еркебұлан Баяхметов.
