Қостанайда Қадырбек Оспанов атындағы баскетболшылар арасында XIV Қазақстан ашық кубогы өткізілді. Аталмыш жарыста Қазақстан, Өзбекстан, Ресейден 22 құрама командалар өнер көрсетті. Ақмола облысының баскетболшылар командасы бұл жарыстың бас тұғырына көтерілді.
Ойын өте тартысты өткізілді. Әр мемлекеттен келген баскетболшылар өз командасының намысын қорғауға тырысты.
Жарыс қорытындысында Ақмола облысының командасына тең келер ешкім болмады. Қыздар алтын медальді ұтып алып, Қазақстан кубогының чемпионы атанды. Надежда Яковлева орталықтың үздігі атанса, Зоя Будай МVР құнды ойыншысы болды.
Ақмола облысы дене шынықтыру және спорт басқармасының баспасөз қызметі
